Pòsélcowie Prawa i Sprawiedlëwòscë mògą òdpòwiedzec za pòdanié na transmisje na żëwò chrónionëch pòdôwków lokalu, jaczi Donald Tusk kùpił w dzewiãcdzesątëch latach w Sopòce.
Prezydentka Sopòtu Magdaléna Czarzińskô-Jôchim złożëła zawiadomienié do przédnika Ùrzãdu Òchrónë Òsobòwëch Pòdôwków na dwùch pòsélców Prawa i Sprawiedlëwòscë, Dorota Arcyszewską-Mielewczik i Kadzmierza Smòlińsczégò, jaczi przeprowôdzelë interwencjã w Ùrzãdze Gardu. Cwierdzëlë, że chcelë sã doznac, czë mieszkanié w kamiéńcë w Sopòce kùpioné w dzewiãcdzesątëch latach przez Donalda Tuska słëchało miastu, a téż czë doszło do jaczichs wëkroczeniów przë jegò nabiwanim. Interwencjô bëła prowadzonô przë bëtnoscë mediów i emitowónô na żëwò w telewizje. Zadôwającë pitania ùrzãdnikóm, pòsélcowie w jednym sztóce pòdelë dokładną adresã mieszkaniô i numer jegò wiednowi knédżi, a to są chrónioné pòdôwczi. Czarzińskô-Jôchim dała do wiadë, że dodôwkòwò pòinfòrmòwała téż ò zdarzenim generalnégò prokùratora a téż ministra bënowëch sprôw i administracje. Dorazu pòdsztrichnãła téż, że no mieszkanié nigdë nie słëchało gminie, le òd tësąc dzewiãcset sétmëdzesątégò szóstégò rokù bëło miectwã Skarbù Państwa.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie