Rusczé media pòdôwają, że piãcdzesąttrzëlatny Róman Starowójt zabił sã pò tim, jak Pùtin pòdôł gò do dimisje.
Pò atakach ùkrajińsczich dronów na céle w eùropejsczim parce Rusje w weekend piątégò i szóstégò lëpińca na latawiszczach w Mòskwie, Petersbùrgù i Niżnym Nowgòrodze òdwòłóné bëło przeszło trzësta lecbów. Ten latawiznowi paralusz kòsztôł rusczi transpòrt dwadzesce miliardów rubli stratë, co je równoznaczëną wnetka miliarda złotëch. Rechùją sã w to téż tôkle z òrganizacją pòrzeszonëch ùsłëgów, jak taksówków, banów i przewòzowëch aplikacjów. Bez pòdaniô pòwòdu, ale dzéń pò paraluszu, prezydent Władimir Pùtin zdimisjonowôł ministra transpòrtu Rómana Starowójta, jaczi stanowiszcze òbjął łoni w maju. Jesz tegò samégò dnia Starowójt òstôł nalazłi miartwi w swójim aùtole w Òdincowie kòl Mòskwë. Zdżinął òd pòstrzału w głowã, a media pòdałë, że ùszłi minister zabił sã sóm z gwôsny barnie – pistóla, jaczi Ministerstwò Bënowëch Sprôw przëznôwô jakno nôdgrodë dlô czerowników sprawny administracje.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie