Znajarze mùszą zbadérowac wòdã i scwierdzëc, co bëło przëczëną katastrofë.
W sobòtã sódmégò czerwińca wieczór miéwca terenów nad nordowim partã jezora Czelno wezwôł służbë pò tim, jak òbôcził kòl jegò brzegù skòpicą zdechłëch rib i reków. Przëjachelë ògniarze i chemiczny retownicë. Pòcwierdzëlë, że scërze rib zalégałë kòl brzegù, a bëło je téż widzec na dnie jezora. Nôwikszé zgrëpkòwanié miartwëch zwierzãt bëło widzec prawie w nordowim parce zbiérnika. Chemicë zbadérowelë jezoro i wstãpno wëłączëlë mòżebnosc, żebë jich smierc zjiscëła zmiana zasadowòscë wòdë. Bãdą równak dali badérowac wòdã, żebë sã doznac, co zaszkòdzëło rëbóm. Na spòdlim dalszich ùstaleniów òd ògniarzów a téż przedstôwców institucjów òchrónë strzodowiszcza, chtërny pòjawilë sã na placu w niedzelã, bãdze wiedzec, czë doszło do jaczi przesprawë. Jeżlë jo, sprawą zajimie sã pòlicjô.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie