Pòd britijskò-amerikańską zarządzëną przez nôblëższé stolaté mô òstac wòjskòwô baza na òstrowie Diego Garcia.
We czwiôrtk dwadzestégò drëdżégò maja Wiôlgô Britaniô pòdpisała ùgôdënk z Maùritiusã w sprawie kòntrolë nad òstrowama Czagòs na Indijsczim Òceanie. Wedle dokùmentu archipelag, jaczi béł nazéwóny slédną britijską kòlonią w Africe, przéńdze terô pòd włôdzã Maùritiusu, państwa ùsadzonégò na òstrowach Maskarenach kòl dwa tësące sto piãcdzesąt kilométrów na pôłniowi zôpôd òd Czagòs. Pòd pòspólnym britijskò-amerikańsczim zarządã przez nômni dzewiãcdzesąt dzewiãc lat òstónie równak wòjskòwô baza na czagòsczim òstrowie Diego Garcia, za co britijsczi rząd bãdze płacył Maùritiusowi sto jeden miliónów fùntów na rok, co je równoznaczëną kòl piãcset dzesãc miliónów złotëch. Procëm transakcje jesz w czwiôrtk zaprotestowôł britijsczi sãdza Nôwëższégò Sądu Martin Chamberlain – zrobił to na prosbã dwùch mieszkanków Czagòsu. Sąd równak òddalił jegò weto i ùgôdënk òstôł pòdpisóny.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie