Co? Dze? Czedë? [14-20.10.2024]

15 rujana w bibliotece w Strzépczu kòl sz. Derdowsczégò 3 ò pół piąti pp. (16:30), a téż 18 rujana w bibliotece w Lëzënie kòl sz. Òfiar Stutthofù 56 mdze promòcjô ksążczi „Parafia Smażyno (1862–1945) na tle dziejów ewangelickiej diecezji Wejherowo” i pòtkanié z ji aùtorã Andrzejã Januszã.

Ksążka òdkriwô nieznóné faktë ò ewanielëcczi wespòlëznie na Kaszëbach. Pùblikacjô òpisywô historiã parafie i dzejania ksãżi w stojiznie nôrodnëch spiérków. Wpisywô dzeje môłi spòlëznë w szerszi òbrôz pòlskò-miemieckò-kaszëbsczich òdnieseniów.

Wicy na starnach:

https://bpgl.pl/aktualnosci/spotkanie-autorskie-z-panem-andrzejem-januszem/

https://fb.me/e/1WVppLkSF

---------------------------------------------------------------------------------------------------------------------------------------------------------------------------------------------------------------------------------------------------

15 rujana ò gòdzënie pół szósti pp. (17:30) w Mòrenowi Bibliotece kòl sz. Wërobka 5A we Gduńskù mdze pòtkanié z Darią Kaszëbòwską – kaszëbską pisôrką, gazétniczką a spòlëznową dzejôrką. W swòjich tekstach pòrësziwô témë zrzeszoné z historią i tradicjama Kaszëb.

Dariô Kaszubòwskô pisze òsoblëwie òbëczajowé romanë, jaczich akcjô rozgriwô sã w grańcach Kaszëb. Spòmidzë nich wôrt je wëapartnic: „Po nitce do szczęścia", „Serce na Kaszubach" i „Smak tabaki". Napisa téż ksążczi dlô dzecë: „Franc i tajemnica Jantaru” i „Walerka i bohaterki Jastry”. Òkróm tegò zajimô sã lëteraturą faktu. Je wespółaùtórką zbioru „Stutthof jidze”, gdze są spisóné wspòminczi mieszkańców Pòmieczëna z cządu ewakùacje lôgru Stutthof na zôczątkù 1945 rokù.

Wicy na starnie: https://wbpg.org.pl/wydarzenia/daria-kaszubowska/

---------------------------------------------------------------------------------------------------------------------------------------------------------------------------------------------------------------------------------------------------

Fùndacjô „Samorządność” miona Lecha Bądkòwsczégò we wespółdzejanim ze Sztudérsczim Karnã „Pòmòraniô” rôczi na pòtkanié pòd titlã „Wkół mëszlë pòliticzny Lecha Bądkòwsczégò”, jaczé mdze 17 rujana ò gòdzënie 6 wieczór (18:00) na Filologicznym a Historicznym Wëdzélu Gduńsczégò Ùniwersytetu kòl sz. Wita Stwosza 55 we Gduńsku.

W diskùsje wezną ùdzél: Sławina Kòsmùlskô (córka Lecha Bądkòwsczégò), Mariô Mrozyńskô (gazétniczka i pùblicystka) i prof. Cezari Òbracht-Prondzyńsczi. Kôrbiónkã pòprowadzy Éwelina Stefańskô – wiceprzédniczka zarządu fùndacje.

Wicy na starnie: https://www.facebook.com/Fundacja.Samorzadnosc/posts/pfbid023hHRFdy8H5UD5x1ZQ53UYUYHWL3LgGuQJXmwKLWGsksXrk3TRtyArKsvE56SBNMPl

---------------------------------------------------------------------------------------------------------------------------------------------------------------------------------------------------------------------------------------------------

Kùjawskò-Pòmòrsczé Wòjewództwò, Pòmòrsczé Wòjewództwò i Kaszëbskò-Pòmòrsczé Zrzeszenié rôczą na pòtkanie w òbrëmim cyklu promòcyjnëch zéńdzeniów ksążczi „Myśl polityczna Lecha Bądkowskiego”, jaczé mdze 18 rujana ò gòdz.  4 pp. (16:00) w Pùbliczny Bibliotece Gminë Szëmôłd.

„Myśl polityczna Lecha Bądkowskiego" to kómpendium pòlityczny pùblicysticzi Bądkòwsczégò, òd jegò pierszich ùdbów pò wëpòwiedzë ze slédnëch dniów żëcégò. Tekstë te razã pòkazëją kònsekwencjã głoszonëch bez Lecha Bądkòwsczégò przekònaniów.

Pòstãpné pòtkania mdą 23 rujana (gòdz. 17:00) w Mùzeùm Kaszëbskò-Pòmòrsczi Pismieniznë i Mùzyczi we Wejrowie i 25 rujana (gòdz. 17:00) w Gardowi i Pòwiatowi Pùbliczny Bibliotece w Kartuzach.

Wicy na starnie: https://www.kaszubi.pl/news/view/cykl-spotkan-promocyjnych-ksiazki-mysl-polityczna-lecha-badkowskiego

---------------------------------------------------------------------------------------------------------------------------------------------------------------------------------------------------------------------------------------------------

Ju 18 rujana dowiémë sã, chto òstôł dobiwcą Pòmòrsczi i Kaszëbsczi Lëteracczi Nôdgrodë „Wiatr od Morza”. Tradicyjno w Centrum Swiãtégò Jana we Gduńskù mdze ùroczëstô gala sódmi edicje tegò wëdarzeniô.

Wicy jak 400 pùblikacjów wëdónëch w 2023 rokù na Pòmòrzu abò ò Pòmòrzu brało ùdzél w kònkùrsu. Òbsãdzëcele wëbrelë z nich dzewiãc nôlepszich ksążków, jaczé trafiłë do finału. Westrzód dokazów je m.jin. ksążka S. Bùdzysz pòd titlã „Welewetka. Jak znikają Kaszuby”.

Wrãcziwónô bãdze téż Kaszëbskô Lëterackô Nôdgroda. Ji òperatorã òd zôczątkù je Mùzeùm Kaszëbskò-Pòmòrsczi Pismieniznë i Mùzyczi we Wejrowie. W ùszłëch edicjach nôdgrodã dobëlë: Stanisłôw Janka, Kristina Léwna, ò. Adóm Sykòra, Ida Czajinô, ks. Jan Walkùsz i Artur Jabłońsczi.

Wicy na starnie: https://wbpg.org.pl/wydarzenia/gala-pomorskiej-nagrody-literackiej-wiatr-od-morza-2024/

---------------------------------------------------------------------------------------------------------------------------------------------------------------------------------------------------------------------------------------------------

19 rujana ò gòdz. 10 dp. w Centrum Kùlturë w Serakòjcach (sz. Kubusia Puchatka 6a) bãdze drëdżé zéńdzenié czerowników karnów piesnie i tuńca z Kaszëb, Kòcewiô i całégò Pòmòrzô.

Pòtkanie mô na célu pògłãbiwanié znajemnotë, kôrbiónczi ò codniowi sytuacje karnów, mòżlëwòtach na przińdnotã, a téż ùsadzenié Pòmòrsczi Radzëznë Karnów Piesnie i Tuńca. W témë disùusje wprowadzą swòjima referatama:

Mark Czarnowsczi – znôwca fòlkloru, szkólny mùzyczi, chòreògraf, bez lata zrzeszony z karnã „Krëbanë”, dzysdnia czerownik Fòlklorowégò Karna „Redzanie”

Pioter Witaszczik – instruktór tuńca, chòreògraf, czerownik Mazursczégò Karna Piesnie i Tuńca „Ełk”.

Wicy na starnie: https://www.kaszubi.pl/news/view/ii-spotkanie-pomorskich-zespolow-folklorystycznych-oraz-piesni-i-tanca

---------------------------------------------------------------------------------------------------------------------------------------------------------------------------------------------------------------------------------------------------

20 rujana ò gòdz. 4 pp. (16:00) w Dodomù Kùlturë w Chmielnie bãdze kòncert z leżnoscë 40 lat dzejaniô Kaszëbsczégò Karna Piesnie i Tuńca „Chmielanie”.

Karno pòwstało w 1984 rokù, a jegò ùdbòdôwôczama bëlë: Danuta Cerockô i Władisłôw Kòstuch. Pierszim chòreògrafã òstôł Stanisłôw Rëchert, a mùzycznym czerownikã Kristina Zawiszewskô.

Je to amatorsczé karno, jaczé dzãka lubòtnikóm a drãdżi robòce, pòd dozérã insztruktorów tuńca i mùzyczi, mòże pòchwalëc sã wiele dobëcama na regionalnëch, krajowëch i zagrańcznëch kònkùrsach.

Nôbarżi znónym widzawiszczã karna je „Kaszëbsczé Wiesele”,  jaczé przedstôwiô akùrôtno dzéle tradicyjnégò wieselô na Kaszëbach – òd pòlterabendu, bez przërëchtowania młodëch do zdënkù, kùńczącë na wieselny rozegracje.

Wicy na starnie: https://fb.me/e/ljfHIRoto

---------------------------------------------------------------------------------------------------------------------------------------------------------------------------------------------------------------------------------------------------

Chònicczi part Kaszëbskò-Pòmòrsczégò Zrzeszeniô rôczi do wzãcô ùdzélu w Dniach Kaszëbskò-Pòmòrsczi Kùlturë, jaczé mdą w dniach 20-28 rujana w Chònicach. Westrzód rozegracjów bãdą kònkùrse dlô dzecy, kòncertë, a téż przezérk kaszëbsczich teatralnëch karnów „Zdrzadniô Tespisa”.

Wëdarzenié zaczinô sã w niedzelã ò gòdz. 12 w pôłnié w Bazylice pw. Scãcô sw. Jana Chrzcëcela, gdze mdze swiãtô mszô z kaszëbską liturgią słowa, w jaczi ùdzél weznie karno „Kaszuby” z Chòniców.