Co? Dze? Czedë? [19.11-23.11.2024]

20 smùtana ò szósti pò pôłnim w Dodomù Kùlturë w Czerskù mdze widzawiszcze „Pòwrót Balbinë” Teatru Lëdowégò Òbrzãdu „Zaboracy” z Brusów, jaczé òdbãdze sã w òbrëmim Regionalnégò Przezérkù Amatorsczich Teatrów a Kabaretów.

Teater pòd przédnictwã Danutë Miszczik òbchòdzył latos 45-lecé swojégò dzejaniô. Dokôz brusczégò karna je kòntinuacją teatralnégò przedstôwieniô „Gdze je Balbina?” na spòdlim dokazu kaszëbsczi pisôrczi Anë Łajming pòd jistnym titlã.

Wicy na: https://fb.me/e/4HDPOZzmz

Bôłtowô Galeriô Dzysdniowégò Kùńsztu w Słëpskù i Institut Historie Pòmòrsczégò Ùniwersytetu w Słëpskù rôczą na pòtkanié z prof. Wòjcechã Skórą pòd titlã „Powojenny Słupsk we wspomnieniach Niemców”. Rozegracjô òdbiwô sã w òbrëmim projektù  „Słupskie historyczne czwartki”, a gódkã pòprowadzy Tomôsz Czãscyk. Rozmòwa òdbãdze sã 21 smùtana ò 7 pò pôłnim przë sz. Arcyszewsczégò 22a (HUMANIK) w zalë nr 26.

Wicy na: https://bgsw.pl/pl/slupski-historyczny-czwartek-powojenny-slupsk-we-wspomnieniach-niemcow/

21 smùtana ò piąti pò pôłnim bãdze aùtorsczé pòtkanié z Adamã Lubòcczim, tikającé sã jegò ksążczi „Gryfici. Władcy Pomorza". Aùtór je historikã, doktorantã Gduńsczégò Ùniwersytetu a robòtnikã Mùzeùm Kaszëbskò-Pòmòrsczi Pismieniznë i Mùzyczi we Wejrowie.

Òb czas zéńdzeniô mdze leżnosc kôrbiónczi z aùtorã, jaczi òpòwié ò swòji nônowszi  ksążce ò dinastie Grifitów, co przez wieczi rządzëła Pòmòrzim. W czasu pòtkaniô dowiész sã téż wiele ò historie regionu a zagłãbisz sã w jegò bòkadną ùszłotã.

Wicy na: https://fb.me/e/5ThlgBByY

22 smùtana ò dzesąti do pôłnia w Spòdleczny Szkòle nr 2 w Kartuzach mdą gminné eliminacje kònkùrsu "Méster Bëlnégò Czëtaniô".  Kònkùrs mô za cél pòpùlarizacjã kaszëbsczi lëteraturë i kùlturë a téż spòsobnoscë w czëtanim a gôdanim w rodny mòwie.

Kònkùrs je sczerowóny do szkòlôków ze spòdlecznëch a wëżispòdlecznëch szkòłów, a téż do dozdrzeniałëch.

Wicy na: https://kartuzy.info/artykul/kartuzy-konkurs-mster-n1640859

22 smùtana w Gminnym Òstrzódkù Kùlturë, Spòrtu i Turisticzi w Stôri Cziszewie mdze midzëpòkòleniowé pòtkanié, w òbrëmim jaczégò òstónie pòkôzóny film pòd titlã „Jutro będzie padać”.

Dokôz Fùndacje „Aby chciało się chcieć” rozgriwô sã na Pòmòrzim w latach 1930-1951. Film òpòwiôdô ò relacjach Kaszëbów, Pòlôchów a Miemców, jaczi żëlë kròtkò se i zmianach, chtërne w tëch relacjach wëwòłała II Swiatowô Wòjna.

Wicy na: https://koscierski.info/artykul/spotkanie-miedzypokoleniowe-n1644027

Chto je chãtny pòtańcowac przë kaszëbsczi mùzyce, nen ni mòże nie przińc na rozegracjã w gduńsczi Paszczë Lwa. Tuwò 23 smùtana òd gòdz. sódmi pò pôłnim mdze leżnosc pòbawic sã przë stôrëch kaszëbsczich brzëmieniach, jaczé òstałë zrekònstruòwóné bez mùzykantów sparłãczonëch a zdrëszonëch ze Stowôrą Trójwieskô.

Wstãp na wëdarzenié to blós 30 złotëch, z czegò 10 złotëch do wëkòrzistaniô w barze.

Wicy na:https://fb.me/e/77cct9PG8