Co? Dze? Czedë? [23.-25.11]

 Kaszëbsczi Regionalny Chùr „Morzanie” fejrëje 25 lat swòjégò dzejaniô. Z ti leżnoscë przërëchtowelë szpecjalny program. To bëlny czas, żebë przëbaczëc historiã a dzejanié tegò karna. Slédny jëbleùszowi kòncert dadzą 25.04 (sobòta) we Gduńskù w Bazylice sw. Brigidë. Karno z gminë Kòsôkòwò òb 25 lat dało wicy jak 900 wëstãpów i zapisało sã w historie.

-----------------------------------------------------

 22.04 w Stãżëcë ju drëdżi rôz òdbãdze sã „Zymkòwé czëtanié Remùsa”. Rozegracjô zaczinô sã ò 2 pp. w Multimedialny Aùli Biblioteczi w Stãżëcë. Mdze mòżna pòsłëchac pësznëch interpretacjów nôwôżniészégò dokazu Aleksandra Majkòwsczégò. Wëstąpi téż mùzyczné karno Demore. Òrganizatorzë przërëchtowelë dlô gòscy quiz/kònkùrs ò ksążcë Żëcé i przigòdë Remùsa. Bãdą téż krótczé wëkładë prof. Daniela Kalinowsczégò („Remus w świetle filmu i teatru”) i prof. Nicole Dolowy („Jak kaszubska edukacja może pomóc przenieść królewiankę przez wody globalizacji?”).

------------------------------------------------------

 Z méstrã nôùczi prof. Januszã Limònã ò pùblikacjë Już mdze mòżna pòkôrbic 24.04 (piątk) w Mùzeùm Jantaru we Gduńskù. Je to ksążka ò młodëch latach Janusza Limòna, jegò wspòminczi ò ledzach i placach, jaczé miałë cësk na jegò żëcé, a téż pòdrechòwanié dzecnëch lat i młodoscë spãdzony w Sopòce. Mdze to téż òglowé zéńdzenié Kaszëbsczégò Institutu. 

-----------------------------------------------------------------------------------

 23.04 (czwiôrtk) w Mùzeùm Pùcczi Zemi m. Floriana Cenôwë (w Szpëtôlëkù) òstónie òdemłi wëstôwk „Soter Jaxa-Małachowski. Nad brzegiem morza”. Mdze mòżebnosc darmôk zwiedzaniô nowi wëstawë z kùratórką Katarzëną Łomnicką. Soter Jaxa-Małachòwsczi béł marinistą (ùr. 1867 w Wòlanowie k. Òdessë – ùm. 1952 w Krakòwie). Ùcził sã we wiele bëlnëch szkòłach i ù méstrów malarstwa. Jegò òbrazë bëłë wëstôwióné w rozmajitëch placach całi Pòlsczi. Malowôł w wikszoscë pejzaże, nôczãscy mòrze.

-------------------------------------------------------------------------

 Z leżnotë 50 lat dzejaniégò karna wësziwù Siedem Kolorów/Sédmë Farwów òsta zrobionô wëstawa „Kuzynki po igle” w Nôrodnym Mùzeùm we Gdùńskù òddzél Etnografii. Ju 25.04 òficjalné òdemkniãcé, a dokazë mdze mòżna òbzerac do 31.05.2026. Prezentowóné są nié le pëszné dokazë, ale téż historiô, jakô sã za nima tacy. Karno Sédmë Farwów twòrzi dzysô 26 artistków, jaczé są zrzeszony kòl gduńsczégò partu KPZ.

-------------------------------------------------------------------

 Mésterstwa Brus w bùczkã òstóną rozegróné 26.04 (niedziela) òd 1 pp. w Kòsobùdach. Mòżna przińc i òbzerac spòrtowé miónczi, ale téż sã zapisac i wzyc bezpòstrzédny ùdzél w turniéru. Nie brëkùjeta do grë karnowëch kòszëlków ani czijów, sygnie spòrtowi/wëgódny òbleczënk i chãcë do grë. Zapisac so mòżna przez fòrmulôrz, jaczi nalézeta na starnach Kaszëbsczi Lidżi Bùczczi. Karna mògą miec òd 3 do 6 bùczkarzów. 

---------------------------------------------------------------------

 24.04 (piątk) ò 6 pp. w lëzëńsczi bibliotece mdze leżnosc pòznac lepi pòstacjã ks. Hilarégò Jastaka. Na pòtkanim z Eùgeniuszã Prëczkòwsczim, jaczi je aùtorã filmù i ksążczi ò tim samim titlu „Król Kaszubów i Solidarności ks. prał. dr Hilary Jastak". Na zôczątkù pòkôzóny òstónie całi film, a pózni mdze mòżebnosc wspòminaniégò ks. Jastaka i dowiedzeniô sã wiele czekawinków z jegò żëcégò i mni znónech faktów z wiôldżich dzejaniów ksãdza Jastaka.