Co? Dze? Czedë? [27.01-2.02.2025]

Òd 29 stëcznika mdzemë miec czile leżnosców do wanodżi w czasu pò Żukòwie, a to dzãka cyklowi pòtkaniów z Magdaléną Zischke-Maliszewską, aùtórką ksążczi pòd titlã „Żukowo. Fotograficzna podróż przez czas”. To prawie bez tã pùblikacjã czëtińcowie mògą òbzerac Żukòwò na jinszi ôrt a òdkrëc jegò spôdkòwiznã na nowò. W stëcznikù i gromicznikù przërëchtowóné bãdą sztërë zéńdzenia:

• 29 stëcznika, gòdz. szôstô pò pôłnim – Paradnica w Môłkòwie
• 4 gromicznika, gòdz. òsmô pò pòłnim – Paradnica „Przyjazna” w Przëjazni
• 5 gromicznika, gòdz. szôstô pò pôłnim – Biblioteka w Chwaszczënie
• 28 gromicznika, gòdz. piątô pò pôłnim – Zala Kùlturë w Baninie

Wstãp na wëdarzenié je darmôk, le na skùtk ògrańczony lëczbë placów są dodatkòwò prowadzoné zapisë. Mòże zaregistrowac sã wëséłającë e-maila na adresã [email protected]. Òrganizatorama cyklu pòtkaniów są Òstrzódk Kùlturë i Spòrtu w Żukòwie, Samòrządowô Biblioteka w Żukòwie a banińsczi part Kaszëbskò-Pòmòrsczégò Zrzeszeniô.

Wicy na: https://kartuzy.info/artykul/spotkanie-z-autorka-n1664449

***

Kaszëbsczé Fòrum Kùlturë w Gdinie, Gdińsczi Part Kaszëbskò-Pòmòrsczégò Zrzeszeniô, Gdińsczi Òstrzódk Doskònaleniô Szkólnëch w Gdinie rôczą na pòstãpną metodiczną kònferencjã dlô szkólnëch kaszëbsczégò jãzëka, co mdze we strzodã 29 stëcznika ò piąti pò pôłnim w sedzbie KFK kòl sz. Marszôłka Piłsudsczégò 18. Warkòwnie pòprowadzy Marta Maszota (òsoblëwie znónô jakno administratorka starnë FB „Kaszubski w szkole – ciekawostki”), a mdą òne tikac wëkòrzistaniô AI w nôùce rodny mòwë.

Je nót zabrac swòj laptop mët, bò mdze brëkòwny do prakticznëch zajmów.

Wicy na: https://kaszubskieforumkultury.pl/2025/01/15/konferencja-metodyczna-dla-nauczycieli-jezyka-kaszubskiego-czesc-2/

***

Tòwarzëstwò Dodóm Ùphagena, Kaszëbsczi Institut we Gduńskù a Stowôra „Rajcy Gdańscy” sertno rôczą 29 stëcznika (strzoda) ò gòdz. piąti pò pôłnim na promòcjã ksążczi pòd titlã „Od astrologii i astromedycyny do popularyzacji nauki. Wiedza o niebie  w drukach kalendarzowych Prus Królewskich (XVI-XVIII w.)” aùtorstwa Piotra Paluchòwsczégò (Gduńsczi Mediczny Ùniwersytet).

Zéńdzenié òdbiwô sã w òbrëmim cyklu wëkładów „Kultura Dawnego Gdańska” w Dodomù Ùphagena kòl sz. Dłëdżi 12 we Gduńskù. Wstãp je darmôk!

Wicy na: http://www.domuphagena.pl/wyklady/404-promocja-29-stycznia-2025

***

We czwiôrtk 30 stëcznika ò piąti pò pôłnim w Kaszëbsczim Mùzeùm w Kartuzach (sz. Kòscérskô 1)  mdze zéńdzenié, jaczé promùje nônowszé wëdanié „Kartësczich Mùzealnëch Zesziwków”. W programie gôdka z ùtwórcama artiklów a dr. Tomaszã Rembalsczim.

„Kartësczé Mùzealné Zesziwczi” òbjimają materiałë w zôkrãżim etnografie i historie Kaszëb, a téż mòże tuwò nalezc wiadła ò dzejanim Kaszëbsczégò Mùzeùm w Kartuzach.

Wicy na: https://kartuzy.info/artykul/promocja-9-numeru-kartuskich-n1666164

***

Baro czekawô rozegracjô żdaje na lubòtników kaszëbsczi lëteraturë w Baninie. 31 stëcznika ò piąti w banińsczi Zalë Kùlturë mdze pierszé wëdarzenié w òbrëmim cyklu „Uniwersytet dla każdego w Baninie”. Herojką premierowégò pòtkaniô, jaczégò ùdbòdôwcama są Eùgeniusz i Elżbiéta Prëczkòwscë, bãdze Dariô Kaszëbòwskô, a kôrbic mdze ò swòjich dokazach parłączonëch z „Kaszëbską Sagą”. Òkróm tegò zaplanowóny je czas na pòspólné spiéwë, a gòsce mògą téż rechòwac na kawã i miodné jestkù.

Dariô Kaszëbòwskô pisze òsoblëwie òbëczajowé romanë, jaczich akcjô rozgriwô sã w grańcach Kaszëb. Spòmidzë nich wôrt je wëapartnic: „Po nitce do szczęścia", „Serce na Kaszubach" i „Smak tabaki". Napisa téż ksążczi dlô dzecë: „Franc i tajemnica Jantaru” i „Walerka i bohaterki Jastry”. Òkróm tegò zajimô sã lëteraturą faktu. Je wespółaùtórką zbioru „Stutthof jidze”, gdze są spisóné wspòminczi mieszkańców Pòmieczëna z cządu ewakùacje lôgru Stutthof na zôczątkù 1945 rokù.

***

31 stëcznika ò piąti pò pôłnim w sedzbie Mùzeùm Kòcewsczi Zemie w Gduńsczim Starogardze (sz. Bòcznô 2) mdze wernisaż wëstôwkù pòd titlã „Sentencje i gadki z kociewskiej makatki”. Ekspòzycjô je brzadã kùrsu „Czas na Kociewie” przërëchtowónégò bez gduńsczi part Kaszëbskò-Pòmòrsczégò Zrzeszeniô, co dérowôł bez 7 miesąców òd maja do smùtana 2024 rokù.

Wësziwkòwé dokazë (makatë) bëtniczków warkòwniów są zbògaconé cytatã wëbrónym bez ùtwórcã, colemało w kòcewsczi gôdce. Wëstôwk dérëje do łżëkwiata latoségò rokù.

***

W òbrëmim nôùcznégò cyklu dlô dozdrzeniałëch pòd titlã „Etno młyn. Energia z tradycji” Mùzeùm Westrzédnégò Pòmòrzô w Słëpskù rôczi na pòtkanié tikającé sã lëdowëch pajków, co mdze 1-2 gromicznika òd dzesąti do pôłnia w Zómkòwim Młënie w Słëpskù.

Ò bògati tradicje ùsôdzaniô pajków – nadzwëkòwëch òbrzãdowëch wëòzdobów ze słomë, włóczków, bibùłë i farwnégò papioru – dowiéta sã w czasu zwiedzaniô wëstôwkù w Zómkòwim Młënie. Warkòwnie pòprowadzy Òlga Hanowskô, a òprowôdzô Magdaléna Leseckô.

Ùdzél w wëdarzenim kòsztô 100 złotëch, a mòże zapisać sã zwòniącë na numer 795 100 274 abò wëséłającë maila na adresã [email protected].

Paùel Wiczińsczi