Co? Dze? Czedë? [28.10.-3.11.2024]

Kùjawskò-Pòmòrsczé Wòjewództwò, Pòmòrsczé Wòjewództwò i Kaszëbskò-Pòmòrsczé Zrzeszenié rôczą na pòtkanié w òbrëmim cyklu promòcyjnëch zéńdzeniów ksążczi „Myśl polityczna Lecha Bądkowskiego”, jaczé mdze 28 rujana (gòdz. 17:00) w Kaszëbsczi Bibliotece w Rëmie (sz. Plac Kaszubski 11).

 „Myśl polityczna Lecha Bądkowskiego" to kómpendium pòliticzny pùblicysticzi Bądkòwsczégò, òd jegò pierszich ùdbów pò wëpòwiedzë ze slédnëch dniów żëcégò. Tekstë te razã pòkazëją kònsekwencjã głoszonëch bez Lecha Bądkòwsczégò przekònaniów.

Wicy na: https://www.kaszubi.pl/news/view/cykl-spotkan-promocyjnych-ksiazki-mysl-polityczna-lecha-badkowskiego

---------------------------------------------------------------------------------------------------------------------------------------------------------------------------------

Institut Pòliticznëch Sztudiów, Kaszëbsczi Institut, Stacjô a Kaszëbskô Kòmisjô Pòlsczi Akademie Nôùk rôczą w pòniedzôłk 28 rujana ò pół piąti pp. (16:30) na pòtkanié online z prof. Cezarim Òbracht-Prondzyńsczim pòd titlã „W kręgu kaszubo- i pomorzoznawczych badań w ośrodku warszawskim”. Pùnktã wińscô bãdze prezentacjô rapòrtu pt. „Kaszubi w społeczności pomorskiej: Tożsamość, stereotypy, relacje w świetle najnowszych badań”.

Pòwrózk do zéńdzeniô: https://bit.ly/4eWCK0c

29 rujana ò drëdżi pp. (14:00) w Kaszëbsczim Dodomù we Gduńsku mdze prezentacjô teczczi kaszëbsczégò wësziwkù w kómpòzycjach dzysdniowëch wësziwôrków. W zéńdzenim weznie ùdzél Ana Barn z Nôrodnégò Institutu Spôdkòwiznë.

Projekt mô za cél zrëchtowanié nowëch mòdłów szkòłów kaszëbsczégò wësziwkù, jaczé mdą dopasowóné do dzysdniowëch brëkòwnotów, a na spòdlim tegò wëdanié teczczi. Bãdã òne ùsadzoné bez nôleżniczczi karna „Siedem Kolorów”, jaczé dzejô òd pòłowë 70. latów XX wiekù przë Kaszëbskò-Pòmòrsczim Zrzeszenim we Gduńsku.

Wicy na: https://www.kaszubi.pl/news/view/prezentacja-teczki-haftu-kaszubskiego-w-kompozycjach-wspolczesnych-hafciarek

-------------------------------------------------------------------------------------------------------------------------------------------------------------------------------

Mùzeùm Kaszëbskò-Pòmòrsczi Pismieniznë i Mùzyczi we Wejrowie rôczi na wëkłôd dra Adama Lubòcczégò z cyklu „Wejherowo na kartach historii” pòd titlã „Nazwy Wejherowa na przestrzeni dziejów”, jaczé bãdze we wtórk 29 rujana ò piąti pp. (17:00) w Ksążnicë profesora Gerata Labùdë we Wejrowie (sz. Zamkòwô 2).

-------------------------------------------------------------------------------------------------------------------------------------------------------------------------------

Teater w Òknie i Karawana Òpòwiescë stwòrzi dla naju czekawé widzawiszcze, jaczé mdze 3 smùtana ò sótmi pp. (17:00) kòl sz. Dłudżi 50/51 we Gduńskù. Bëtnicë wëdarzeniô mdą miec leżnosc wësłëchac basniów z rozmajitëch starnów swiata, jaczé pòkazëją stosënk wiele kùlturów do pòstacje i symbòlu Smierce. Òpòwiescë bãdą przeplôtłé piesniamia i parłãczoné z mùzyką (kankles, òbrãczowi bãben, drumla, zwónczi koshi).

Òpòwiôdają, spiéwają a grają: Joana Gòstkòwskô a Szëmón Góralczik-Armatowsczi.

Bilietë przëstãpné na: https://teatrwoknie.interticket.pl

Wicy na: https://www.facebook.com/events/1829814887546180