Reklama

Kaszëbi a Wiôlgô Wòjna

Kùltura

10/10/2024 09:38

Rôczbë, Kaszëbi Wiôlgô Wòjna - zdjęcie, fotografia

W Mùzeùm Kaszëbskò-Pòmòrsczi Pismieniznë i Mùzyczi we Wejrowie, jaczé je partnerã najégò pòrtalu, bãdze dzysô òtemkniãcé baro czekawégò wëstôwkù: „Przeklęta wojna i trzykroć przeklęta służba jej”. Kaszubi w Wielkiej Wojnie 1914-1918”.

Pòkazywô òn tragiczny kawel Kaszëbów, co mùszelë bic sã na frontach, i codniowé żëcé tëch, co òstelë doma. Przédnym narratorã ekspòzycje je znóny kaszëbsczi pisôrz, pòeta i dzejôrz Jón Karnowsczi, chtëren sóm brôł ùdzél w czile pòbitwach.

Na wëstôwkù nalézetã wiele òdjimków, dokùmentów i wszelejaczich zachów, co pòmògą zrozmiec, jak wëzdrzało żëcé kaszëbsczich familiów w latach 1914-1918.

Wernisaż dzysô ò 5 pp. (17.00) w Ksążnicë prof. Gerata Labùdë, kòl sz. Zómkòwi 2 we Wejrowie.

Scenarnik wëstôwkù ùsadzył Michôł Hinc, w kùratorsczim karnie bëlë: Benita Grzenkòwicz-Ropela, Michôł Hinc, Janina Kùrowskô, Dark Majkòwsczi, Pioter Schmandt i Aleksandra Sielickô w wespółrobòce z Barbarą Kòs-Dąbrowską i Joaną Grochòwska z Mùzeùm Pùcczi Zemi. Za plasticzny projekt i aranżacjã òdpòwiedelë Barbara i Aleksander Widińscë.

Reklama

Wëstôwk mdze do òbzéraniô jaż do kùńca séwnika 2025, ale ni ma co żdac! Nôlepi rëgnąc do Wejrowa jesz dzysô na wernisaż.

Czytaj nas w Google

Dodaj do Google

Źródło i opracowanie własne