Spiti mieszkańc Lãbòrga na nieznóny sobie ôrt nalôzł sã w gminie Nowô Wies, a szukającë òchrónë przed mrozã włómił sã do jedny chëczë.
W niedzelã 12. stëcznika w gminie Nowô Wies w lãbòrsczim krézu do jednégò z mieszkańców do chëczë przëszedł 42-latny chłop, jaczi prosył ò pòmòc, cwierdzącë że przed kògùms ùcékô. Miéwca chëczë zazwònił pò pòlicjã. Czedë ùczuł ò tim jegò "gòsc", zwiornął do dodomù sąsada, gdze wëbił rutã i wszedł bënë. Tam nalôzł jeansë i stréfle, jaczé założił na sebie, gwôscëcelowi òstôwiającé swòje, dëcht mòkré. Ten, pòwiadomiony przez sąsada, przëjachôł dodóm, żebë òdsztëkac dwiérze dlô szandarów, chtërny przëjachelë na plac. Czej weszlë, zaczãlë szëkac za 42-latkã. Nalezlë gò, jak wisôł z daku i trzimôł sã òczenny ramë. Pòmòglë mù wlezc nazôd bënë, a tam gò zatrzimelë. Włómnik béł mòckò spiti, miôł w krëwi przez 1,5 promila alkòholu. Béł to mieszkańc Lãbòrga. Nie pamiãtô, jak nalôzł sã bùten gardu. W chëczë chcôł sã përznã ògrzôc. Pò przeszukanim jegò mieszkaniô w Lãbòrgù szandarzë nalezlë marihuanã. 42-latk mòże ùczëc òbwinë, za jaczé grozy do 10 lat sôdzë.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie