Reklama
Aresztowóny na Walisa
17/02/2025 09:29
Chłop i białka bëlë szukóny za niepłacenié bãksnewégò, kradzeże i włómania.
W piątk sztërnôstégò gromicznika z rena, w dzéń sw. Walisa, we Wrzészczu szandarzë przëjachelë do jednégò mieszkaniô, gdze miało sã tacëc dwòje szukónëch przez sąd. To bëła pôra: Sztërdzescëtrzëlatny chłop z wërokama i scygòwnyma lëstama za niepłacenié bãksnewégò, a téż sztërdzescëjedenlatnô białka szukónô sztërzema sądowima zarządzniama za kradzeże i włómania. Pôra wiedzała, że pòlicjô jich òdwiedzy. Bëlë ju spakòwóny i fardich na wëjôzd z szandarama. Ti jich zabrelë do radiowòzu. Pôra nié blós Walisa spãdzy nieprzëjemno. Chłop miôł namienioné sto sétmëdzesąt dni sôdzë, a białka wicy jak rok. Jesz tegò samégò dnia zaczãlë òdsadëwac sztrôfã.
H.S.Sz.
Źródło i opracowanie własne
Aktualizacja: 17/02/2025 18:36
Reklama
Komentarze opinie
Podziel się swoją opinią
Twoje zdanie jest ważne jednak nie może ranić innych osób lub grup.
Komentarze
-
Reklama
-
2025-02-18 20:33:01co to je bãksnewé?
odpowiedz -
2025-02-25 18:01:04
Bãksnewé to są alimentë, jaczé chłop za rozsądzënkã sądu mùszi płacëc na dzecë ùrodzoné bùten małżeństwa, to je na „bãksë”. Nalézemë taczi termin np. w słowarzu Bernarda Zëchtë, w pierszim tomie, na starnie 26. Pòzdrôwióm.
Reklama
Reklama
co to je bãksnewé?
Bãksnewé to są alimentë, jaczé chłop za rozsądzënkã sądu mùszi płacëc na dzecë ùrodzoné bùten małżeństwa, to je na „bãksë”. Nalézemë taczi termin np. w słowarzu Bernarda Zëchtë, w pierszim tomie, na starnie 26. Pòzdrôwióm.