Służbë w Kòscérznie chùtkò so pòradzëłë z kradélcką, jakô na Mazowszé wrócy tësąc piãcset złotëch biédniészô.
W pòniedzôłk dwadzestégò pierszégò lëpińca do jednégò z krómów weszła białka z defibrilatorã. Pòłożëła gò na tómbachù i chùtkò wëszła. Robòtnik krómù ni miôł co zrobic z ùrządzenim i zazwònił pò szandarów. Ti prawie mielë dostóné wiadã, że defibrilatór chtos ùkrôdł z kòscersczégò banowiszcza. Pò przëjachanim do krómù i gôdce z kòmijã doznelë sã, jak wëzdrzi pòdezdrzónô białka. Zarô nalezlë jã na jedny z szasëjów Kòscérznë. Sztërdzescëdwalôtka bëła przëjachónô z Cechanowa. Szandarzë zabrelë jã do aresztu. Òstôł zrëchtowóny przërëchlony proces przed sądã, w jaczim białka dostała sztrôfã tësąc piãcset złotëch. Defibrilatór wrócył na banowiszcze.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie