Dwadzesce lat stôrô białka z Miastka chcała wëcygnąc òd mëmczi do aresztu, bò sã z nią pòsztridowała.
W niedzelã dwadzestégò trzecégò gromicznika dwadzescelatka z Miastka zazwòniła na pòlicjã i zgłosëła, że mô doma narkòticzi. Pòlicjô òdebrała zgłoszenié i wësłała patról, jaczi przëjachôł do ni dodóm żebë zbadérowac sprawã. Zastelë dwadzescelatkã spitą. Przëznała sã szandaróm, że niżódnëch nielegalnëch substancjów w mieszkaniu równak nie nalézą, ale mògą jã zabrac i wsadzëc do sôdzë za niezapłacony mandat. Nie chcała òstawac dłużi doma, bò – jak gôdała szandaróm – wòli sôdzã jak mieszkac dali z matką, z chtërną prawie sã pòsztridowała. Szandarzë nie zabrelë białczi w ji wërojony plac. Miast tegò sprôwdzëlë mieszkanié, a czej ùgwësnilë sã że narkòtików w nim ni ma, dołożëlë ji jesz jeden mandat. Za fałszëwé zgłoszenié mùszi terô zapłacëc sztrôfã piãcset złotëch.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie