Rozrąbóné sztëczczi dzëka razã z charną dlô zwierzãt òstôwôł lasewi. Sprawa òstała przekôzónô szandaróm.
Nadlesyństwò Gduńsk dało do wiadë, że lasewi, jaczi pòd kùńc strëmiannika òstôł narabczony na wërzucanim do lasu scërzu dzëka, stracył robòtã. Dzejało sã to w Trzëgardzczim Krôjmalënkòwim Parkù, gdze dzejarze òrganizacje Vena - Inicjatiwa dlô Zwierzãt robilë òdjimczi dzélëków całów zwierzãt kòl jachtarsczi rozezdrzelnicë. Na plac przëjachôł aùtół, z jaczégò wësôdł lasewi. Ten nie wiedzôł, że je nagriwóny. W pôsnikù òstawił charnã dlô zwierzãt, ale rozrzucył téż pò pòlanie łep, ùszë i kótë dzëka. Mòże bëc to skùtkòwny métel na przënãcenié lësów, ale téż wiôldżi niebezpiek z pòzdrzatkù na kòscérzącé sã Afrikańsczé Pòszëdło Swiniów. Dzãka zgłoszeniémù sprawë przez òrganizacjã Vena lasewi òstôł wërzucony z robòtë, ale to jesz nie je kùńc. Sprawą zajimie sã pòlicjô, jakô je na etapie analizë materiału dotëgòwónégò w zawiadomienim.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie