Reklama

Chònicë rëchtëją tacówczi i magazynë dlô lëdztwa

Klëka

11/09/2025 12:10

Schróniô we Lwiwie. Pòzdrzatkòwi òdjimk. Òdj. dm

Przedstôwcë wëszëznów gardu i krézu pòdsztrichiwają, że wszëtcë mają nôdzejã, co wòjnë nie bãdze, ale przërëchtowac sã na wëpôdk kònfliktu je mùsz.

Wëszëznë gardu Chònicë i chònicczégò krézu pòdjimają dzejania na wëpôdk wòjnë. We strzodã dzesątégò séwnika chònicczi radny bëlë òbezdrzec dwie halë przë szasëje Przemësłowi, jaczé miasto chce kùpic i namienic na magazynowé bùdinczi, jaczë bë szło wëzwëskac dlô òbarnë lëdztwa òb czas kònfliktu. Òbzerac je bãdą także znajarze, chrërny profesjonalno òbtaksëją jich techniczną stojiznã i faktyczny priz do przëmierzeniô z bédënkã ternégò miéwcë òbiektów – gard mô zabezpieczoné na cywilną òbarnã trzë miliónë trzësta tësący złotëch. Timczasã chònicczi starosta Mark Szczepańsczi dôł do wiadë, że w przërëchtowanim je projekt tacówczi na sto òsób w pòdzemnym parce bùdinkù starostwa, przewidëjący mòntaż pómpë cepła, zdroju wòdë, łączebny infastrukturë, placu do spaniô i krizysowégò zarządzaniô. Kòszta inwesticje jesz ni mògą bëc òbrechòwóné, chòc ju je wiedzec że nie bãdą nisczé. Bùdacjô tacówczi mògłabë rëgnąc w przińdnym rokù.

H.S.Sz.