Minister hańdlu i kònsumencczich sprôw Andrew Bayly przekrocził grańce wedle jednégò z robòtników swòjégò gabinetu.
Rząd Nowi Zelandie stracył jednégò ze swòjich nôleżników. Premiéra Christopher Luxon przëjął dimisjã ministra hańdlu, Andrewa Bayly'égò, jaczi ùstąpił ze stanowiszcza na skùtk swòjégò zachòwaniô wedle jednégò z robòtników swòjégò gabinetu we wtórk òsmënôstégò gromicznika. Òpòzycjô skritikòwała premiérã za tak pózdné wëwidnienié sprawë. Szef rządu sôł równak ùszłémù ministrowi czas na òddzãkòwanié sã ze swòjim gabinetã i przedstôwienié sprawë rodzëznie. Na pitania gazétników scwierdzył téż, że nie wëłącziwô mòżebnotë pòwrotu Bayly'égò do rządu w przińdnoce. Andrew Bayly, jaczi je téż pòsélcã w parlamence i nôleżnikã Nowòzelandzczi Nôrodny Partie, wëdôł w pòniedzôłk dwadzestégò czwiôrtégò gromicznika òswiôdczenié, w jaczim przeprosył i dôł do wiadë, co zrobił swòjémù robòtnikòwi. Duńc miało do tegò w czasu òżëwiony diskùsje. Jak gôdô: „Pòszedł jem za dalek i pòłożił jem rãkã na jegò remieniu, a to bëło bùten szëkù”. Przëznôł, że jegò zachòwanié bëło dlô pòkrziwdzonégò niekómfòrtowé.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie