W nielegalno dzejającym klubie zdżinãło piãcdzesąt dzewiãc lëdzy. Part òd zrenionëch bãdze lékarzony za grańcą.
W niedzelã szestnôstégò strëmiannika kòl gòdzënë trzecy w nocë w gardze Koczani w Nordowi Macedonie òb kòncert w nocnym klubie wëbùchł òdżin. Direktną przëczëną miało bëc lëché ùżëcé pirotechnicznëch materiałów. Òd òzdobnëch płomieniów zażôlëła sã pòsowa, a lëdze zaczãlë w ùrzasu ùcekac. Zawalił sã téż dak bùdinkù. Zdżinãło piãcdzesąt dzewiãc òsób, a sto piãcdzesąt piãc trafiło do bòlëców. Reniony w ògniu zostelë rozesłóny pò szpitalach w całim kraju, ale part dostónie pòmòc nawetka za grańcą, w krajach jaczé zadeklarowałë pòmòc macedońsczi służbie zdrowiégò. Òd smiertnëch òfiarów nômłodszô bëła sztërnôsce lat stôrô, a nôstarszô dwadzesce sztërë. W sprawie do pòdszukòwnégò aresztu trafiło piãtnôsce pòdezdrzónëch – tëch, co mòglë na placu przëczënic sã do òdpôleniô pirotechnicznëch materiałów, ale téż ùrzãdników ministerstwa gòspòdarczi za ùszłégò rządu, chtërny mielë pòdpisac falszëwé licencje na dzejanié diskòteczi. Macedońsczé media pòdôwają, że mielë dostac za to sétmë tësący eùro pòdpłacënkù.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie