Rodzëzna stracëła na mòrzu jacht, a na lądze mògła stracëc psa. Wszëtkò przez cwiardé prawò procëm biologicznym zagrôżbóm.
Trzë tidzenie nazôd na mòrzu kòl sztrądu Wschódny Przilądkòwi Prowincje Repùbliczi Pôłniowi Africzi òb sztorëm z tonącégò jachtu ùdało sã ùretac Szwajcara, jegò córkã ë jich tósza, brunégò labradora Aczégò. Pò sprowadzenim jich na ląd, Aczi òstôł drëdżégò zélnika zabróny na kwarantannã do priwatny weterinariowi kliniczi w gardze East London, a jegò miéwcë ùczëlë, że jich pies òstónie ùspóny, bò òstôł przewiozłi do kraju nielegalno i sprôwiô biologiczną zagrôżbã. Rëgnãła peticjô dlô darowaniô tószowi żëcô. W tim tidzeniu minister gbùrzëznë John Steenhuisen ògłosył, że jegò resort wëdôł rozpòrządzenié ò òdstąpienim òd zwëczajnëch reglów w tim przëtrôfkù, a Aczi pò badérowaniach w Kapsztadze bãdze òddóny rodzëznie. Ministerstwò pòdzãkòwało miéwcë kliniczi w East London doktorowi Peterowi Woodowi za ji ùprzëstãpnienié na kwarantannã i òpiekã nad labradorã, do czegò dëtkòwò dołożëła sã lokalnô spòlëzna.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie