Reklama

Nowô atomòwô elektrowniô w Biôłorusce

Klëka

27/09/2025 11:39

Aùtór: Tess Mattew; zdrzódło: https://pl.wikipedia.org/wiki/Bia%C5%82oruska_Elektrownia_J%C4%85drowa#/media/Plik:2023.06.13_Astravets_Nuclear_Power_Plant_Belarus.jpg

Na Kremlu wódcë Biôłorusczi ë Rusczi gôdelë midzë jinszima ò atomòwi energetice i pòzdrzatkach na sztróm dlô tak pòzwónëch „wëzwòlonëch teritoriów”.

Òb czas zetkaniô prezydenta Biôłorusczi Aleksandra Łukaszenczi z prezydentã Rusczi Władimirã Pùtinã na Kremlu w piątk dwadzestégò szóstégò séwnika wódcë państwów diskùtérowelë midzë jinszima ò kwestie atomòwi energeticzi. Pòrëszonô òstała ùdba ùsadzeniô na Biôłoruscë jesz jedny atomówi elektrownie – dzysdnia w tim kraju dzejô jedna, z dwùma blokama, w òbéńdze gardu Òstrówc w grodzeńsczim òbwòdze, krótkò grańcë z Lëtwą. Co nômni jesz jeden blok bë sã dało pòstawic za strzódczi zaòbszczãdzoné z kreditu, jaczégò Ruskô wczasni ùdzelëła na dzejanié ju jistniejący Biôłorusczi Atomòwi Elektrownie w Òstrówcu. Ta nowô wedle bédënków Łukaszenczi mògłabë bëc pòstawionô na wschòdze kraju, a zagwësniwac bë mògła energiã dlô „wëzwòlonëch terenów”, to je ùkrajińsczich òbwòdów chersońsczégò, zapòrosczégò, ługańsczégò i doniecczégò, chtërne Ruskô prażi zrobic partã swòjégò teritorium. Pùtin scwierdzył, że jeżlë projekt naléze dosc òdbiérców, jaczi bãdą w sztãdze òpłacëc rachùnczi, to z financowanim taczi elektrownie nie bãdze niżódnégò jiwru.

H.S.Sz.

Źródło i opracowanie własne