Ò Kaszëbach bëło gôdóné, jak w cządze zagôrënkù barnilë pòlskòscë nad Bôłtã.
W pòniedzôłk dzesątégò gromicznika w Pùckù òbchôdónô bëła sto piątô roczëzna tak pòzwónégò zdënkù Pòlsczi z mòrzã, czej generôł Józef Haller symbòliczno wrzucył do Pùcczi Hôwindżi piestrzéń, na merk wróceniô przistãpù do mòrza dlô nowò òdrodzonégò pòlsczégò państwa. Ò dzesąti gòdzënie bëła swiãtô mszô, pò jaczi ùczãstnicë wëdarzeniô przeszlë do pòrtu, gdze kòl stôłpa ùpamiãtniwającégò wëdarzenia z tësąc dzewiãcset dwadzestégò rokù béł dalszi part ùroczëznë. Pòd pamiãtnikã Hallera òstałë złożoné kwiatë. Nie zafelowało przemówieniów ùrzãdników i pòlitików. Bùrmésterka Pùcka Hana Pruchniewskô a téż gòszczący na wëdarzenim prezydent Warszawë Rafôł Trzaskòwsczi mówilë ò Kaszëbach jakno òbróńcach „pòlsczégò mòrza” a téż pòlskòscë nad Bôłtã, dôwającë bôczënk na jich zasłëdżi dlô nazôdnégò sparłãczeniô Pòlsczi z mòrzã.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie