Métlã na zaszkòdë robioné przez Rusków, kòrmòranë i industriã mòże bëc òdnôwianié niérzchlëszczów.
We strzodã dwadzestégò szóstégò gromicznika na Mòrsczim Ùniwersytece we Gdinie bëło zéńdzenié sejmòwi Kòmisje Mòrsczi Gòspòdarczi i Strzódlądowi Żeglôrczi. Przédną témą béł wiôldżi spôdk pòpùlacje rib w Pùcczi Hôwindze, gatënków tak do łowieniô jak tëch òbjimniãtëch òchróną. Òkróm zagrôżbów dlô strzodowiszcza, parlamentarziscë wskazéwelë téż na stratë dlô rëbaczeniô na môłą skalã, jakno kùlturowi spôdkòwiznë Kaszub. Niechtërne przëczënë, jaczé bëłë òbgôdóné na zéńdzenim, to nieùwôżanié so na limitë pòłowów przez Rusków, zanieczëszczenia strzodowiszcza z òdpadów co wpôdają do hôwindżi, a téż troje kòrmòranów – nad całim Bôłtã kòl piãcdzesąt tësący pôrów, jaczé wëżérają rëbë. Te wniósczi bëłë òpiarté na badérowaniach tak pòlsczich jak skandynawsczich ùczbòwniów ë institutów. Padłë bédënczi na rozrzeszenié jiwru – renaturalizacjô niérzchlëszczów a téż zaribianié, co bë miało pòzwòlëc na òdsztopanié migracjowëch barierów dlô rib i stwòrzenié warënków do niérzchù.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie