Reklama

Repùblika Pôłniowi Africzi pòzwòli chłopóm brac nôzwëska pò białkach

Klëka

12/09/2025 10:27

Bùdink Nôwëższégò Sądu w Johennesbùrgù. Aùtór: André-Pierre from Stellenbosch, South Africa; zdrzódło: https://en.wikipedia.org/wiki/Constitutional_Court_of_South_Africa#/media/File:ConstitutionalCourtofSouthAfrica-20070622.jpg

Cywilné prawò òkòma żéńbë nie bëło w kwestie nôzwësków aktualizowóné òd kòlonialnëch czasów.

Nôwëższi Sąd Repùbliczi Pôłniowi Africzi pòcwierdzył rozsądzënczi dwùch sądów niższich instancjów, jaczé dałë zgòdã na przëjimniãcé przez chłopa nôzwëska swòji białczi pò zdënkù. Sprawa tikała sã Henrégò van der Merwe, jaczi chcôł zastãpic swòje nôzwëskò nôzwëskã białczi Janë Jordaan, a téż Andreasa Bòrnmana, jaczi chcôł rodzëznowé nôzwëskò swòji białczi do swòjégò dopisac, prawie tak jak ju w papiorach mô jegò białka Jess Donnelly-Bòrnman. Taczi mòżebnoscë dotądka w Pôłniowi Africe nie bëło, ale Nôwëższi Sąd zgòdzył sã, że prawò bëło zastarzałé i pamiãtało jesz kòlonialné czasë, timczasã we wiele afrikańsczich kùlturach białczi zachòwiwałë swòje familiowé miona, a dzecë przëjimałë nôzwëska pò matce. Parlament terô bãdze mùszôł wedle wërokù sądu zaktualizowac Ùstôw ò Registracje Ùrodzeniów i Smierców, w jaczim są téż zapisënczi tikającé zjinaczi nôzwësków pò zdënkù.

H.S.Sz.