Weteran wòjnë na Ùkrajinie mãcził znajomégò w jegò gwôsnym mieszkanim przez przeszło dobã, a pòtemù pòszedł rzëcëc sã pòd banã.
We strzodã dwadzestégò trzecégò lëpińca we Gduńskù do mieszkaniô jednégò chłopa przëszedł jegò znajomi Jahor I., biôłorusczi żôłnérz, jaczi biôtkòwôł na Ùkrajinie procëm Ruskóm w dobrowólnym pôłkù „Pògóń”. Ùskrzënił miéwcã mieszkaniô, pòrzesził i zażądôł przistãpù do mòbilczi. Przezérôł wëséłóné z ni wiadła i bił pòrzeszonégò, czej nalôzł jakąs, chtërnã ùznôł zã òbrazlëwą. Chcôł sã doznac, jak jegò drëch ò nim gôdôł z jinszima. Przez wnetka dobã żôłnérz mãcził chłopa téż kaléczącë gò nożã i przëpôlającë krzoską. W kùńcu gò rozrzesził, pòzwòlił wezwac pòmòc i wëszedł z mieszkaniô. Gôdôł, że nie chce jic do sôdzë i jidze sã zabic. Swòjã zôpòwiesc spôłnił – w piątk dwadzestégò piątégò lëpińca sztót przed drëgą w nocë rzucył sã we Gduńskù pòd banã. Zaatakòwóny miéwca mieszkaniô doznôł sã tegò òd szandarów w bòlëcë, w jaczi béł lékarzony z renów zadónëch przez żôłnérza. Sãzabijca pò przëjachanim z Ùkrajinë cerpiôł na depresjã ë jinszé psychiczné jiwrë, a przed dokònanim atakù òdstawił przepisóné mù lékarstwa.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie