Duterte nalôzł prosti, le kòntrowersjowi métel na tôkel narkòmanie w kraju: szwadróna smiercë.
We strzodã dwanôstégò strëmiannika ùszłi prezydent Filipinów Rodrigo Duterte òstôł przëhalóny fligrã do Rotterdamù, skądka béł zabróny do aresztu w Hadze. Midzënôrodny Sztrôfny Tribùnał òbsądzy gò w związkù z òbwinama ò zbrodniã procëm lëdztwù. Wedle wëdónégò nakazu aresztowaniô mô òn bëc winny smiercë co nômni sztërdzescë trzech lëdzy, zabitëch w òbrëmim antinarkòtikòwi kampanie. Ta dérała przez wnetka òsmë lat òd dwa tësącë jednôstégò rokù, czej béł bùrméstrã gardu Davao, a pòtemù prezydentã. Duterte miôł ùsadzëc szwadrónã najmańczików, chtërny mielë zabijac lëdzy, jaczi hańdlowelë narkòtikama, abò ù jaczich je nalezlë. Wedle rządu Filipinów òfiarów brutalny akcje mògło bëc przez szesc tësący, a prokùratorzë Midzënôrodnégò Sztrôfnégò Tribùnału taksëją tã lëczbã na jesz wëżi – òd dwanôsce do nawetka trzëdzescë tësący zabitëch za przedôwanié abò trzimanié narkòtików.
H.S.Sz.
Twoje zdanie jest ważne jednak nie może ranić innych osób lub grup.
Komentarze opinie