Robòtnicë jedny z łebsczich restaùracjów przed zamkniãcym nie sprôwdzëlë szituzów i òstawilë w jednym spiącégò turistã.
W weekend w nocë z dzewiątégò na dzesątégò zélnika w Łebie turiscë przechôdający kòl jedny restaùracje ùczëlë z bëna wòłanié ò pòmòc. Wezwelë pòlicjã, a ta skòntaktowała sã z miéwcą lokalu. Ten sprôwdzył nagrania z kamerów i pòcwierdzył, że w jegò restaùracje je jaczis chłop, chtëren próbùje sã wëdostac. Przëjachôł na plac i òdsztëkôł dwiérze. Z bëna wëlôzł kòl trzëdzescelatny mieszkańc warmińskò-mazursczégò wòjewództwa, jesz nié do kùńca wëtrzézwiałi. Szandaróm i miéwcë lokalu òpòwiedzôł, że przëszedł do restaùracje na pôłnié, a tej do szituza. Tam przësnął i òdeckł dopiérze w westrzódkù nocë, czej w restaùracje ju dôwno nikògò nie bëło. Mònitoring pòcwierdzył, że chłop chòdzącë pò lokalu szëkôł za wińscym i zwònił do jednégò drëcha, dôwającë wiadã ò swòji drãdżi stojiznie.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie