Zabił chłopa w Chònicach, zabrôł aùtół, ùcekł do Gdinie i napôdł na dwie białczi. Terô trzëdzescë lat pòsedzy w sôdzë.
Òkrãgòwi sąd we Słëpskù wëdôł wërok w sprawie mòrdarstwa w Chònicach ze strëmiannika ùszłégò rokù. Trzëdzescëszesclatny Jordańczik Ferid Ò. òstôł ùznóny na winnégò. W mieszkanim, w jaczim mieszkôł jakno kòmórznik, zaatakòwôł szëfelką do pòpiołu mieszkańca Chòniców Andrzeja S., jaczi przëszedł zrobic w mieszkanim drobné naprawë. Bił gò nią pò głowie i gãbie, prowadzącë do jegò smiercë, a pòtemù próbòwôł spalëc cało, ùkrôdł jegò aùtół i zwiornął. Szandarzë nalezlë gò w Gdinie, gdze napôdł na dwie białczi. Przed sądã zeznôł, że zdarzeniô nie pamiãtô, bò ju dłëgszi czas zażiwôł tedë narkòticzi. Sąd wëmierził mù trzëdzescë lat sôdzë z mòżebnoscą ùbiéganiô sã ò zwòlnienié pò miniãcym dwadzesce lat. Òb czas sztrôfë bãdze téż przechôdôł terapiã w òstrzódkù dlô òsób ùzanôleżnionëch òd psychòaktiwnëch strzódków. Gdowie pò zamòrdowónym mùszi téż zapłacëc sto piãcdzesąt tësący złotëch.
H.S.Sz.
Twoje zdanie jest ważne jednak nie może ranić innych osób lub grup.
![Co? Dze? Czedë? [30.06-6.07]](https://cdn.cmc-gallery.pl/static/files/gallery/590/thumb__1699237_1751271124.webp)
Komentarze opinie